Kaixo berriro,
Udako oporrak pasata, lanera itzultzen gara
hirigintza arloan martxan jarritako prozesu parte-hartzailearen azken fasean
sartzeko.
Martxotik, Atarrabiako bizilagunak, teknikariak
eta politikariak herriaren hirigintzaren egoerari buruzko diagnosia egiteko
lanetan ibili dira, beren iritziak emanez, hausnarketak eginez, eztabaidatuz,
hala nola herria hobetzeko proposamenak eginez. Asko dira egindako ekarpenak,
eta orobat, Atarrabiako egoerari buruzko ikuspen zabala eta xehetasunez josia
dugu ondoriotzat.
Honela, irailaren 27an, diagnosi parte-hartzailearen behin-betiko ondorioak aurkeztuko ditugu;
ondorio hauek, hurrengo asteetan herria hobetzeko proposamenak eraiki, zehaztu
eta adosteko balioko dute, hala nola, etorkizuneko Udal Hirigintza Plana
gidatuko duten oinarriak ezartzeko. Landutako alorrak hauexek izan dira:
- Etxebizitza;
etxebizitza parkearen egungo egoera, etxebizitza hutsen azterlana,
birgaikuntzaren alorreko egoera, uholdeen eraginak, gaur egun herrian den
etxebizitzen eskakizuna eta dagoen etxebizitza eskaintzaren egoera.
- Zerbitzu publikoak; legearen araberako egoera, Nafarroako eta estatuko hantzeko
herriekin alderaketa azterlana, Atarrabiako biztanleek egindako zerbitzu
publikoen alorrean dauden beharren diagnosia.
- Herriko jarduera ekonomikoa; saltokiak, industria, turismoa eta aisia. Zer egin daiteke
hirigintzaren alorretik? Zer beste gai dira beharrezko?
- Espazio publikoak eta Mugikortasun jasangarria; auzokideen elkargune diren 5
zonalde nagusien egoera, berauen loturak, hala nola oinezkoentzako bideak,
bidegorria, eskolarako bideak, aparkalekuak…
Foroaren afitxa
bidaltzen dizuegu, eta zuen zain izanen gara irailaren 27an,
18,30etan, Kultur Etxean.
Nahi baduzu, Atarrbiari buruz, zuk ere erabaki dezakezu, ez zaitez etxean
gelditu!!
No hay comentarios:
Publicar un comentario